Itinaguyod ni Konsehal
Dante De Guzman ang "Yamang Kalusugan
Health, Nutrition & Sports
Program" upang
tugunan ang pangunahing panganga-ilangan ng mga mamamayan sa larangan ng
kalusugan. Ito ay nagsimula noong 2002 at nakapaghandog na ng
iba’t-ibang paraan ng paglilingkod pangkalusugan sa Quezon City.
Kasama dito ang
"Medical Missions"
na naghandog ng libreng gamutan at pamimigay rin ng libreng gamot,
"Dental Missions"
na libreng pagbunot ng ngipin,
"Operation Tule" na naghandog ng
libreng pagtutule sa mga kabataan tuwing summer. Sa pakikipagtulungan ng
QC Health Department, ang tanggapan ni Konsehal Dante ay nakapagsasagawa
ng libreng pagtutule (circumcision) para sa mga kabataan ng iba’t ibang
barangay. Ito ay sa pangangasiwa ng mga kaibigan at mga volunteer
doctors. Dagdag pa rito ang "Feeding
Program at Administration of Vitamins"
para sa mga bata at ang "Patibayin Unang
Ngipin" sa pakikipag-tulungan ng
Pediatric Dentistry Center (PDC) na nagbigay ng libreng "Flouride
Varnish" para sa mga batang 9 na buwan hanggang 3 taong gulang.
Pagbibigay din ito ng kaalaman para sa mga magulang hinggil sa wastong
nutrisyon ng kanilang mga anak.
Ang
"Fud 4 Kids Nutrition Program",
isang programang pangkalusugan na nagbigay ng pagkakataon sa mga batang
edad 3-7 upang magsalo-salo kasabay ng pagtuturo sa kanila ng
pangunahing kaalaman sa wastong nutrisyon. Bahagi ito ng pang-kalahatang
programa ng tanggapan ng konsehal na mas kilala bilang
"Yamang Kalusugan".
Ang
"Mobile massage Therapy"
na nagbigay ng libreng "Back Rub Massage" para sa mga nakatatanda, mga
propesyunal, atleta, mag-aaral at iba pang kasapi ng pamayanan. Nagturo
ito ng pangunahing kaalaman sa pagmamasahe bilang pampatanggal ng
tensyon at pagod.
Ang
"free summer yoga sessions"
tuwing Sabado para sa mga residente ng Ikatlong Distrito sa
pakikipagtulungan ng Ananda Marga Yoga Center, North Susana Homeowners
Association, Intramuros Village Homeowners Association and Blue Ridge
Homeowners Association.
Ang
"FREE Reading Glasses"
na nagbigay ng libreng salamin sa mata para sa mga
mamamayan ng Lungsod Quezon. Kasabay nito ay ang libreng pag-eksamen sa
mata upang masiguro na akma ang makukuhang salamin ng mga mamamayang may
35-taong gulang - pataas.
Ang
"Anti-Dengue Information Drive"
na naghahatid ng libreng impormasyon sa pintuan ng mga tahanan upang
makaiwas sa salot na at perwisyong dala ng Dengue,"Doblehin
ang pag-iingat, panatilihing malinis ang ating bakuran para sakalusugan
ng ating pamayanan. Laba-nan ang epidemya ng Dengue."
Dagdag pa dito ang
"Anti-Rabies Campaign"
para makaiwas sa panganib ng aso sa lansangan,
"FREE Emission Testing"
para makatulong sa paglimita ng mauusok na sasakyan sa lansangan.
Naging katuwang ng tanggapan ni
Konsehal Dante sa mga programang ito ang tanggapan nina Mayor Feliciano
"SB" Belmonte at Vice Mayor Herbert "Bistek" Bautista, PCSO, QC Health
Department, Asian Pacific Group of Companies, Baygon, mga volunteers
mula sa iba’t ibang ospital at paaralan sa pakikipag-ugnayan sa mga
Sangguniang Barangay ng Ikatlong Distrito.
Kasabay ng pagbubunyi ng
tagumpay ni Manny Pacquiao ay ang matagumpay na
"Boxing sa QC!"
ni Konsehal Dante De Guzman. Isang programang pampalakasan na nagbigay
pagkakataon sa mga kabataang edad 13-18 na matutunan ang pangunahing
kaalaman sa boxing habang aktwal na nakasalang sa boxing ring.
Protektado sila ng tamang kagamitan upang huwag magtamo ng pinsala sa
katawan habang ginagabayan ng ilang eksperto sa larong boxing. Animo’y
laban ng pambansang kamao, pinagkaguluhan ng mga manonood ang bawat
kabanata ng "Boxing sa QC" sa iba’t ibang barangay sa Quezon
City.
Tuwing Araw ng mga Puso naman
taun-taon ay mayroong "Date with the
Seniors" ang Team DANTE & ARLENE
laan para sa mga nakatatandang residente ng Quezon City. Ang sektor ng
nakatatanda o ang "senior citizens" ay may mahalagang papel na
ginagampanan sa paghuhubog ng isang maunlad, makatarungan at mapayapang
pamayanan kung kaya’t marapat lamang na pagtuunan ng pansin, kilalanin
at parangalan.
